Bashkimi përforcohet me ish-basketbollistin e Pejës, Bradley Waldow

Sport

Gazeta Express

14/11/2023 20:40

KB Bashkimi ka bërë një “goditje të madhe” duke nënshkruar me Bradley Waldow.

“ZYRTARE: Kryesia e klubit tonë ka arritur marrëveshje me lojtarin e mirënjohur Bradley Waldow. Së bashku, po ndërtojmë rrugën drejt suksesit!”, thuhet në njoftimin e klubit prizrenas.

Ai është i njohur për basketbollin tonë, pasi sezonin e kaluar pati paraqitje fantastike me Pejën, shkruan Gazeta Express.

Qendra e gjatë 208 centimetra ishte ndër basketbollistët më meritorë në shpalljen kampionë të pejanëve. Madje, pikët vendimtare në triumfin e pejanëve ishin shënuar nga ai.

31-vjeçari këtë sezon e nisi te skuadra izraelite, Elitzur Ironi Ashkelon, por që pas situatës së krijuar në Izrael dhe ndërprerjes së aktiviteteve sportive, ai u largua.

/Gazeta Express/