Piloti italian Francesco Bagnaia me Ducati fitoi sot garën e Çmimit të Madh të Spanjës në MotoGP, zhvilluar në pistën spanjolle të Aragon.
Ai e nisi garën nga “pole” siguruar dje dhe e ruajti kreun deri në fund, me gjithë duelin rrotë më rrotë ndaj Marc Marquez me Honda, që doli i dyti.
Një garë mjaft e bukur, ku Bagnaia dhe Marquez dueluan fort për triumfin, por italiani arrinte gjithnjë të mbante kreun, pavarësisht sulmeve të spanjollit, sidomos në tri xhirot e fundit.
Në vendin e tretë në pistën e Aragon doli spanjolli Joan Mir me Suzuki.
Për sa i përket renditjes së përgjithshme në MotoGP, ajo vijon të kryesohet nga francezi i Yamaha, Fabio Quartararo, me 214 pikë.
Ai ka 53 pikë më shumë se Bagnaia dhe 57 pikë më shumë se Mir, që mbajnë ende hapur garën për titullin kampion.
Gara e radhës, pas një jave në Itali.
? #MotoGP RACE! ?@PeccoBagnaia HANGS ON FOR HIS MAIDEN VICTORY!!! ?#GoFree | #AragonGP ? pic.twitter.com/1EgmmY4ELO
— MotoGP™? (@MotoGP) September 12, 2021