Në orët e para të mbrëmjes së sotme një aksident trafiku në mes të dy veturave ka ndodhur në Prishtinë.
Janë aksidentuar dy vetura, njëra pasat e tjetra pikap. Si pasojë është shkaktuar tollovi në pjesën e quajtur ‘Rruga B’, në Prishtinë.
Lajmin për Gazetën Express e ka konfirmuar Daut Hoxha nga Policia e Kosovës.
“Me datën 05.12.2019 rreth orës 18:00, Policia e Kosovës ju ka përgjigjur një thirrjeje për një aksident trafiku te Rruga B afër semaforëve. Njësia policore ka dalë në vend të ngjarjes dhe ka raportuar se është shkaktuar një aksident trafiku me të lënduar, menjëherë është njoftuar ndihma e shpejtë. Janë njoftuar edhe njësitet kompetente policore të trafikut të cilat janë marrë me rastin”, ka konfirmuar Hoxha.
Policia dhe ekipet e tjera kanë dalë në vendin e ngjarjes.
Nuk raportohet për të lënduar, por vetëm për dëme materiale.