“Nerazzurri” nuk janë të interesuar të marrin lojtarë në këmbim për sulmuesin argjentinas, siç po i propozon Barcelona
Interi është i vendosur ta shesë Lautaro Martinezin, por pa shkëmbime të lojtarëve, shkruan Gazeta Express.
Barcelona është klubi më i interesuar për sulmuesin argjentinas.
Mirëpo, gjiganti katalunas po i ofron klubit Zikaltër lojtarë plus para për Lautaron.
Sidoqoftë, e përditshmja italiane “La Gazzetta dello Sport” shkruan se drejtuesit e klubit italian do të hiqnin dorë nga Martinez vetëm nëse e marrin një ofertë të majme për të.
Interi i kërkon mbi 100 milionë euro për përfaqësuesin argjentinas.
Krahas Barçës, interesim për Lautaron ka shfaqur edhe Manchester City.
Futbollisti argjentinas ka shkëlqyer këtë sezon në fanellën e Interit. /Gazeta Express/