JLo dhe i fejuari i saj e fitojnë sfidën më të famshme të momentit në internet

Gazeta Express

11/03/2020 12:34

Është fakt i ditur që Jennifer Lopez dhe Alex Rodriguez janë një nga çiftet më të preferuar dhe të pëlqyer të showbiz-it, megjithatë “performanca” e tyre për sfidën e momentit në internet, që quhet “Flip The Switch, është një nivel tjetër .

Jennifer ka qenë shumë aktive në rrjetin social TikTok kohët e fundit, e megjithëse nuk bëhet pjesë e të gjitha sfidave aty, fatmirësisht vendosi që së bashku me të fejuarin, Alex Rodriguez, t’i bashkoheshin kërcimit “Flip The Switch”.

Për t’jua shpjeguar me pak fjalë ju që nuk e dini ende çfarë është, kjo sfidë bëhet me dy njerëz që qëndrojnë përpara një pasqyre duke dëgjuar dhe kërcyer këngën e Drake “Nonstop” dhe pasi fiken dritat e në sfond dëgjohet teksti “look, I just flipped the switch”, njerëzit ndryshojnë vendin, rrobat dhe gjithçka me njëri-tjetrin. Shumë e thjeshtë, njëkohësisht shumë kreative.

Këtë sfidë e bëri dhe J.Lo e Rodriguez dhe sipas përdoruesve të TikTok, e fituan:

Ndërkohë ata të dy nuk janë të vetmet figura publike që e kanë bërë këtë sfidë. Mund t’ju sjellim si shembull dhe komedianen Kate McKinnon dhe senatoren Elizabeth Warren, të cilat krijuan versionin e tyre teksa xhironin “Saturday Night Live”.

Jo keq apo jo? Fundja na duhet një shpërqëndrim nga Koronavirusi.

Alex Rodriguez and Jennifer Lopez have created the best “Flip the Switch” TikTok that I have seen so far. ? pic.twitter.com/BAujnh0OSX

— Andersen Pickard (@AndersenPickard) March 9, 2020