Bashkimi Evropian mund të hapë negociata me Maqedoninë e Veriut dhe Shqipërinë për disa javë, sepse të dyja shtetet kanë bërë progres në përgatitjet e tyre për anëtarësim, deklaroi sot në Pragë komisari evropian për zgjerim Oliver Varheji.
Varheji tha se raporti i Komisionit Evropian për të dyja vendet, që duhet të publikohet javën e ardhshme, është inkurajues.
“Ka progres serioz në të dyja vendet. Jam shumë i inkurajuar nga fakti që të dyja vendet, kanë vendosur t’i përshpejtojnë përgatitjet e tyre”, tha Varheji pas takimit me shefat e diplomacive të vendeve të Grupit të Vishegradit (V4) dhe të vendeve të Ballkanit Perëndimor (WB6) në Pragë.
Theksoi se me raportin shpreson se do t’i bindë vendet-anëtare se të dyja vendet janë të gatshme, dhe vetë vendet-anëtare duhet të jenë të gatshme të hapin negociata me Maqedoninë e Veriut dhe Shqipërinë.
“Shpresoj shumë se do të fillojnë negociatat me Maqedoninë e Veriut dhe Shqipërinë në javët e ardhshme”, shtoi komisari evropian.
A.SH.
Në një studim të fundit të kryer nga ekspertë të industrisë – Data4X, Viva Fresh Store, si një ndër kontribuesit kryesorë, renditet në këtë...