Përplasi rëndë kalimtarin dhe u largua, policia arreston 43 vjeçarin shqiptar

Gazeta Express

15/12/2019 13:21

Një 43-vjeçar është arrestuar nga Policia e Tiranës, pasi ka aksidentuar një kalimtar dhe më pas është larguar nga vendi i ngjarjes.

Mësohet se i aksidentuari është identifikuar me inicialet D. B., 33 vjeç dhe ndodhet në gjendje të rëndë shëndetësore.

Aksidenti ka ndodhur në rrugën “Demokracia”, në afërsi të degëzimit të rrugës “Ali Asllani”, Kamëz. Ndërkohë, policia njofton se drejtuesi i mjetit është arrestuar pas disa orësh.

Mbi të arrestuarin rëndojnë akuzat “Shkelja e rregullave të qarkullimit rrugorr” dhe “Largim nga vendi i aksidentit”.

Njoftimi i policisë

Aksidenton me mjet një 33-vjeçar në rrugën “Demokracia” dhe largohet nga vendi i aksidentit, por pas disa orësh punë intensive nga Policia Rrugore e Tiranës, identifikohet, kapet dhe arrestohet drejtuesi i mjetit.

Nga specialistët e qarkullimit rrugor në Komisariatin e Policisë Rrugore u bë arrestimi në flagrancë i shtetasit: A. A., 43 vjeç, banues në Tiranë.

Arrestimi i tij u bë pasi duke qarkulluar me mjetin veturë, tip ‘”Volksëagen”, në rrugën “Demokracia”, në afërsi të degëzimit të  rrugës “Ali Asllani”, Kamëz, ka përplasur shtetasin D. B., 33 vjeç, i cili ndodhet në spital në gjendje të rëndë për jetën.

Pas përplasjes, drejtuesi i dyshuar i mjetit është larguar nga vendi i aksidentit. Pas disa orë punë intensive nga specialistët e Policisë Rrugore është bërë i mundur identifikimi i mjetit dhe më pas kapja dhe arrestimi i drejtuesit të mjetit.

Materialet i kaluan Prokurorisë se Rrethit Gjyqësor Tiranë, për veprat penale “Shkelja e rregullave të qarkullimit rrugorr” dhe “Largim nga vendi i aksidentit”