Vijon pagesa e të drejtave sociale dhe të mbrojtjes së fëmijëve

Maqedoni

Gazeta Express

06/08/2026 14:18

Filloi pagesa e të drejtave sociale, të fëmijëve dhe të mbrojtjes civile për muajin korrik të këtij viti, informoi Ministria e Politikës Sociale, Demografisë dhe të Rinjve.

Përfituesit e të drejtave monetare, të cilët posedojnë kartelë debitore do të mund të tërheqin para në bankomatet e bankave, t’i shfrytëzojnë mjetet për pagesa pa para të gatshme në rrjetin e shitjeve ose përmes bankave elektronike dhe atyre mobile.

Po ashtu, përfituesit, të cilët nuk përdorin kartela, nga sot, do të jenë në gjendje t’i tërheqin mjetet e tyre nga të gjitha filialet dhe ekspoziturat e hapura të bankave.