Koreja e Veriut heq nga kushtetuta synimin për ribashkim me Jugun

Lajme

Gazeta Express

06/05/2026 11:29

Koreja e Veriut ka hequr nga kushtetuta çdo referencë për ribashkimin me Korenë e Jugut, duke sinjalizuar një qëndrim më të ashpër ndaj Seulit. Sipas një dokumenti të parë nga AFP, klauzola për “ribashkimin e atdheut” është larguar në versionin e ri të miratuar në mars.

Në vend të saj, kushtetuta thekson kufijtë shtetërorë dhe e cilëson Korenë e Jugut si “Republika e Koresë”, duke ndaluar çdo shkelje të territorit. Ky ndryshim vjen pas deklaratave të Kim Jong Unit, i cili e ka quajtur Jugun “shtet armik”.

Ndërkohë, tensionet mbeten të larta, me Phenianin që vazhdon testet raketore dhe forcon lidhjet me Rusinë dhe Kinën, ndërsa Seuli kërkon dialog pa kushte, por pa përgjigje nga Veriu, shkruan Euronews.