“Pesëshe n’kajmak”, Nottinghami ia bën bajat Sunderlandit të Xhakës

Futboll

Gazeta Express

24/04/2026 23:03

Nottingham Foresti shënoi katër gola në një pjesë për ndeshjen e dytë radhazi, duke shkatërruar Sunderlandin me rezultatin 5-0 në “Stadium of Light”, një fitore që i largon “Tricky Trees” me tetë pikë nga zona e rënies në Premierligë.

Sunderlandi pati rastin e parë me Chris Riggun, por portieri Matz Sels e kontrolloi lehtë situatën.

Pas kësaj, pjesa e parë u kthye në makth për vendasit.

Goli i parë erdhi në minutën e 17-të, kur një krosim i Igor Jesusit u devijua nga Trai Hume dhe përfundoi në rrjetë si autogol.

Në minutën e 31-të, Sunderlandi gaboi sërish në mënyrë fatale: portieri Robin Roefs i dha topin Chris Woodit, i cili asistoi për Morgan Gibbs-Whiten që shënoi për 2-0.

Vetëm tre minuta më vonë, Gibbs-White realizoi sërish për 3-0.

Para pushimit, Foresti shënoi edhe golin e katërt kur Ola Aina krijoi një aksion që përfundoi me gol të dytë për Igor Jesusin.

Në pjesën e dytë, Sunderlandi mendoi se kishte shënuar me Dan Ballard, por VAR-i e anuloi golin për faull ndaj portierit Sels.

Në fund, Elliot Anderson vulosi rezultatin 5-0 në kohën shtesë, duke konfirmuar formën e shkëlqyer të Forest, që tani është i pamposhtur në tetë ndeshje radhazi (5 fitore, 3 barazime).

Nottingham Foresti do të përballet tani me Aston Villan në gjysmëfinalen e Ligën e Evropës, ndërsa Sunderlandi mbetet në vendin e 11-të pas një humbjeje të rëndë.

Pas kësaj fitoreje, Nottinghami ka 39 pikë në vendin e 16-të, tetë më shumë se Tottenhami që është në pozitën e 18-të./GazetaExpress/