Shfaqet “slug-u i detit” në hapësirë: Pamje mahnitëse nga Hubble

Mistere

Gazeta Express

22/04/2026 21:44

Shkencëtarët e hapësirës kanë publikuar një imazh spektakolar që tregon atë që e përshkruajnë si një “slug deti” në hapësirë.

Fotografia është kapur nga teleskopi hapësinor Hubble i NASA-s, i cili këtë javë shënon 36-vjetorin e tij. Imazhi vjen nga një rajon formimi yjor i quajtur Mjegullnaja Trifid, rreth 5,000 vite dritë larg Tokës.

Pamja e realizuar me kamerën “Wide Field Camera 3” tregon një re të ndritshme gazi dhe pluhuri, ku po lindin yje të rinj. Në dritë të dukshme, ngjyrat e saj ngjajnë me një peizazh nën ujë, ku grimcat duken sikur lëvizin si sediment në thellësi.

Në këtë vëzhgim të fundit, astronomët kanë identifikuar një formacion të veçantë brenda mjegullnajës, të cilin e kanë quajtur “Lemoni Kozmik i Detit”, për shkak të formës së tij që i ngjan një krijese detare që lëviz në hapësirë.

Sipas shkencëtarëve, gjatë miliona viteve gazi dhe pluhuri i kësaj mjegullnaje do të shpërndahen gradualisht, duke lënë pas vetëm yjet tashmë të formuar.

Ekipi i misionit Hubble i NASA-s e përshkruan kështu pamjen: rajoni përqendrohet në një “kokë” dhe një “trup” të valëzuar të një reje me ngjyrë ndryshku, e cila ngjan me një slug deti që rrëshqet nëpër kozmos.

Ata shtojnë se disa yje shumë të mëdhenj, jashtë këtij kadri, kanë ndikuar në këtë zonë për të paktën 300,000 vjet. Erërat e tyre të fuqishme kanë krijuar një flluskë gjigante që vazhdon të zgjerohet, duke shtypur dhe përqendruar gazin dhe pluhurin, çka nxit lindjen e yjeve të rinj.

Që nga lansimi në vitin 1990, teleskopi Hubble ka kryer mbi 1.7 milion vëzhgime dhe ka kontribuar në dhjetëra mijëra studime shkencore.

Në vitet e fundit, ai ka ndihmuar në zbulimin e formimit të galaktikave të hershme, ka vëzhguar galaktika të largëta dhe ka kapur fenomene të papritura me ndihmën e analizës kompjuterike.

Hubble ka regjistruar gjithashtu përplasje asteroidesh në sisteme të tjera diellore dhe shpërbërjen e një komete brenda sistemit tonë.

Teleskopi pritet të mbetet funksional të paktën deri në vitin 2030, ndërsa ekziston mundësia që të vazhdojë të dërgojë imazhe drejt Tokës edhe deri në vitin 2040. /GazetaExpress/