LSDM ngriti padi penale kundër Mickoskit për shkelje të Kushtetutës dhe ligjeve

Maqedoni

Gazeta Express

17/04/2026 18:24

Lidhja Socialdemokrate (LSDM) sot ngriti padi penale kundër kryeministrit Hristijan Mickoski, duke e akuzuar atë për disa vepra penale që lidhen me, siç thuhet nga partia, shkeljen e rendit kushtetues dhe ligjeve. Arsyeja për ngritjen e padive, sipas LSDM-së, janë deklaratat publike të kryeministrit, të cilat, siç thuhet në deklaratën e partisë, mund të interpretohen si njoftim për presion politik dhe procedura të mundshme kundër ish-zyrtarëve dhe anëtarëve të opozitës, transmeton Portalb.mk.

Në një konferencë për shtyp para ndërtesës së Prokurorisë së Shkupit, sekretari i përgjithshëm i partisë Aleksandar Sasha Dimitrijeviq njoftoi se paditë penale të ngritura kundër kryeministrit kanë të bëjnë me veprat penale – keqpërdorim i pozitës dhe autoritetit zyrtar, shkelje e barazisë së qytetarëve, rrezikim i sigurisë, në përputhje me dispozitat e Kodit Penal.

“Hristijan Mickoski nuk fshihet më ai është prokuror, gjykatës, i cili urdhëron paraprakisht gjyqe kundër opozitës dhe disidentëve. Nga pozicioni i Kryeministrit, Mickoski shpall publikisht ndjekje penale, shënjestron njerëz specifikë nga opozita dhe familjet e tyre me akuza të shkruara paraprakisht. Shprehja e tij “Kam një ndjenjë” diktohet nga frika sepse ai e di se do të duhet të përballet me përgjegjësinë. Por ky është një skandal me përmasa të papara dhe përfaqëson një kolaps të plotë të rendit ligjor dhe kushtetues, dhe ai duhet të mbajë përgjegjësi për këtë. Deklarata e Mickoskit është një sinjal se gjyqësori dhe prokuroria janë shndërruar në një mjet për hakmarrje politike dhe persekutim të disidentëve. Metoda të natyrshme të regjimeve autoritare që sistemi demokratik nuk i njeh”, tha Dimitrijeviq.

 LSDM ngriti padi penale për veprat penale:

• Keqpërdorim i pozitës dhe autoritetit zyrtar (neni 353, paragrafi 1 i Kodit Penal)
• Shkelje e barazisë së qytetarëve (neni 137, paragrafët 1 dhe 2 të Kodit Penal)
• Rrezikim i sigurisë (neni 143, paragrafi 1 i Kodit Penal)”

Nga atje kërkojnë që Prokuroria Publike të veprojë menjëherë sipas kallëzimit penal, të thërrasë Mickoskin për marrje në pyetje dhe të parandalojë rrezikimin e mëtejshëm të rendit juridik