Kosova nuk di për humbje në shtëpi që nga viti 2024, tempulli “Fadil Vokrri” i pathyeshëm

Futboll

Gazeta Express

31/03/2026 15:27

Kombëtarja e Kosovës sonte e luan ndeshjen më të rëndësishme në histori, teksa përballet me Turqinë në stadiumin “Fadil Vokrri” në Prishtinë, në kuadër të finales së play-offit për Kupën e Botës.

Turqia është favorit në letër ndaj Kosovës, ndërsa edhe në bazë të statistikave, ata janë në formë të jashtëzakonshme.

Por, në anën tjetër, edhe Kosova është nëpër një formë fantastike, shkruan Gazeta Express.

Në tetë ndeshjet e fundit si vendas, Kosova ka regjistruar gjashtë fitore dhe dy barazime.

Humbja e fundit në stadiumin “Fadil Vokrri” për Kosovën daton më 6 shtator 2024, ndaj Rumanisë 0:3 në kuadër të Ligës së Kombeve.