Turqia nuk do të zhvillojë stërvitje në stadiumin “Fadil Vokrri”

Sport

Gazeta Express

30/03/2026 7:20

Federata turke e futbollit ka bërë publik agjendën zyrtare të ekipit për përballjen me Kosovën, duke konfirmuar se skuadra nuk do të zhvillojë stërvitje në stadiumin “Fadil Vokrri”.

Sot në mëngjes, përfaqësuesja e Turqisë do të stërvitet në qendrën e saj stërvitore, përpara se të niset më pas drejt Prishtinës.

Në orën 18:00 është planifikuar një ecje e lojtarëve në fushën e stadiumit “Fadil Vokrri”, ndërsa në 18:15 do të zhvillohet konferenca zyrtare për shtyp, ku do të paraqiten përzgjedhësi Vincenzo Montella dhe një lojtar nga ekipi turk.

Edhe Kosova po ndjek praktikën e zakonshme për ditën para ndeshjes, duke mos stërvitur në stadiumin e ndeshjes, por duke realizuar vetëm një ecje simbolike në fushë një model që u zbatua edhe në udhëtimet në Lubjljanë dhe Bratislavë.

Takimi mes Kosovës dhe Turqisë zhvillohet të martën nga ora 20:45 dhe vendos një skuadër për në Botërorin 2026, që do të mbahet në SHBA, Kanada dhe Meksikë.