Vritet një person në Klinë, dyshohet se u qëllua nga vëllai i tij pas një fjalosjeje

Ballina

Gazeta Express

21/03/2026 17:48

Zëdhënësi i Policisë së Kosovës për rajonin e Pejës, Fadil Gashi, ka konfirmuar se në Klinë është vrarë një person.

Gashi ka thënë se ngjarja ka ndodhur rreth orës 15:10, kur policia është njoftuar për një fjalosje mes dy vëllezërve. Siç ka deklaruar Gashi, dyshohet se njëri nga vëllezërit ka qëlluar tjetrin me armë.

Viktima fillimisht ishte dërguar për trajtim në Spitalin e Pejës, por pak para se të nisej për në QKUK ai ka ndërruar jetë.

 “Rreth orës 15:10 policia është njoftuar se, pas një fjalosjeje mes dy vëllezërve, njëri nga ta e qëlloi tjetrin me armë. Viktima u dërgua në emergjencën e Klinës e më pas u bart drejt Spitalit të Pejës. Pak para se të nisej në drejtim të QKUK-së për tretman mjekësor, viktima fatkeqësisht ndërroi jetë. Në vendin e ngjarjes kanë dalë njësitet relevante të policisë dhe Prokurorisë, të cilat po vijojnë me procedurat hetimore”, ka deklaruar për Kosova Press zëdhënësi i Policisë për rajonin e Pejës, Fadil Gashi./