Tmerrohet futbollisti i Romës, hajnat i hyjnë në shtëpi dhe ia “burgosin” familjen

Futboll

Gazeta Express

17/03/2026 12:21

Neil El Aynaoui, mesfushor i Romës, e ka përjetuar një natë të vërtetë tmerri bashkë me familjen e tij.

Gjatë natës mes të hënës dhe të martës, vetëm pak orë pas humbjes nga Como, një grup hajdutësh ka hyrë në apartamentin e lojtarit në Romës, duke e grabitur dhe duke krijuar panik të madh.

Sipas raportimeve, një bandë prej gjashtë personash, të armatosur dhe me fytyra të mbuluara, ka hyrë në shtëpi pasi e ka thyer dorezën e një dritareje, përcjell “Gazeta Express”.

Në momentin e hyrjes, El Aynaoui ndodhej në shtëpi së bashku me familjen.

Hajdutët e kanë kërcënuar dhe më pas e kanë mbyllur në një dhomë bashkë me nënën, partneren, vëllain dhe partneren e tij.

Kjo u ka dhënë kohë autorëve të veprojnë të qetë brenda banesës.

Pasi e neutralizuan familjen, grabitësit e kanë kontrolluar shtëpinë dhe kanë marrë sende me vlerë: bizhuteri rreth 10 mijë euro, një orë Rolex dhe çanta të markave të njohura.

Ngjarja ka ndodhur rreth orës 03:00 të mëngjesit, duke e shkaktuar një tronditje të madhe për futbollistin dhe të afërmit e tij.

Menjëherë pas ngjarjes kanë ndërhyrë forcat e policisë, ndërsa çështja po hetohet nga njësia kundër grabitjeve, e cila është vënë në ndjekje të autorëve.

Fatmirësisht, pavarësisht frikës së madhe, nuk raportohet për të lënduar.

Ky nuk është rasti i parë i grabitjeve ndaj futbollistëve në Itali, por ndryshe nga rastet e mëparshme, këtë herë viktimat ndodheshin brenda shtëpisë gjatë sulmit – një detaj që e bën ngjarjen edhe më të rëndë. /Gazeta Express