Starmer pyetet nëse ka dëmtuar “marrëdhëniet speciale” me SHBA’në pasi Trump e akuzoi, thotë se ato po funksionojnë

Lajme

Gazeta Express

05/03/2026 16:22

Kryeministri i Mbretërisë së Bashkuar, Keir Starmer, u pyet nëse e ka dëmtuar të ashtuquajturën “marrëdhënie speciale” me SHBA-në, pasi presidenti Donald Trump tha se Starmer “nuk është as Winston Churchill”.

“Shikoni, marrëdhënia speciale është duke funksionuar pikërisht tani,” tha Starmer, duke përmendur si shembuj bashkëpunimin rreth bazave të përbashkëta dhe ndarjen e inteligjencës.

Ai shtoi se i takon Trumpit të marrë vendimet e duhura për SHBA-në, ndërsa atij vetë t’i marrë vendimet në interesin më të mirë të Mbretërisë së Bashkuar, shkruan BBC, transmeton Gazeta Express.

“Nuk ka asgjë të diskutueshme në këtë,” tha ai.

Starmer tha se nuk kishte një kërkesë specifike nga SHBA për të përdorur bazat britanike deri të shtunën pasdite. Kur u pyet për raportimet se ai kishte dashur t’i jepte SHBA-së leje për të përdorur fushat ajrore britanike javën e kaluar, por ishte bllokuar nga ministrat e kabinetit, Starmer tha se nuk kishte pasur asnjë kërkesë nga SHBA të premten dhe për këtë arsye nuk kishte asnjë vendim për t’u marrë.

Sulmet e SHBA-së dhe Izraelit ndaj Iranit nisën të shtunën në mëngjes.