Garda Revolucionare e Iranit: Ngushtica e Hormuzit është e mbyllur vetëm për anijet nga SHBA-ja, Izraeli dhe Evropa

Lajme

Gazeta Express

05/03/2026 9:45

Garda Revolucionare e Iranit, IRGC ka deklaruar këtë të enjte se Ngushtica e Hormuzit është e mbyllur vetëm për anijet nga SHBA-ja, Izraeli, Evropa dhe aleatët e tjerë perëndimorë.

“Ne e kemi thënë më parë se, bazuar në ligjet dhe rezolutat ndërkombëtare, në kohë lufte, Republika Islamike e Iranit do të ketë të drejtën të kontrollojë kalimin nëpër Ngushticën e Hormuzit”, tha Trupa e Gardës Revolucionare Islamike, sipas transmetuesit shtetëror IRIB.

IRGC paralamëroi se nëse vërehen anije që i përkasin SHBA-së, Izraelit, Evropës dhe mbështetësve të tyre, ato do të goditen.

Ngushtica është mbyllur në mënyrë që kur SHBA-të dhe Izraeli nisën operacionin e tyre të përbashkët kundër Iranit të shtunën, duke shkaktuar rritje të çmimeve të naftës dhe duke kërcënuar të përmbysë ekonominë globale.

Kjo ngushticë është një nga korridoret më të rëndësishme të transportit detar në botë, e cila ka parë trafikun të reduktohet që nga fillimi i luftës.