Aksident në magjistralen Prishtinë – Ferizaj, Policia dhe autoambulanca dalin në vendin e ngjarjes

Lajme

Gazeta Express

05/03/2026 8:40

Një aksident ndërmjet një furgoni dhe një veture ndodhi mëngjesin e sotëm në Çagllavicë, në magjistralen Prishtinë – Ferizaj.

Aksidenti shkaktoi radhë automjetesh për një kohë me Policinë që kishte shkuar aty.

Të paktën një person mori trajtim mjekësor. Ai u pa duke u futur në autoambulancën e cila kishte shkuar gjithashtu në vendin e ngjarjes.

Policia nuk i është përgjigjur ende zyrtarisht Gazetës Express lidhur me këtë aksident.