Lukaku: Isha një lojtar i vdekur para se të vija te Napoli

Futboll

Gazeta Express

01/03/2026 8:20

Romelu Lukaku pranon se goli i tij i parë pas nëntë muajsh ishte një moment emocional, sidomos pasi i dha Napolit fitoren në Verona. “Isha një lojtar i vdekur para se të vija këtu.”

Sulmuesi belg kishte pritur 281 ditë për golin e tij të parë në Serie A, që nga 23 maji 2025 kundër Cagliarit, pasi kishte qenë jashtë fushave që nga gushti, kur një tendinë iu shkëput nga kofsha gjatë një miqësoreje para-sezonale.

Ai nuk e priste që gjithçka të ishte kaq dramatike, me golin e fitores në minutën e 96-të, me goditjen e fundit të ndeshjes në transfertë ndaj Hellas Veronas, pasi Rasmus Hojlund kishte shënuar dhe më pas kishte devijuar në rrjetë volejën e Jean-Daniel Akpa Akpro.

“Jam i lumtur për ekipin, është për të ardhur keq që pësuam atë gol, por sot po i marrim tre pikët në shtëpi,” tha Lukaku për “DAZN Italia”.

Lukaku festoi duke drejtuar gishtin nga qielli, pasi ishte goli i parë që shënonte që nga ndarja nga jeta e babait të tij dhe pasi familja pretendoi se ishte ‘zhvatur’ lidhur me ceremoninë mortore.

“Këta kanë qenë muaj të vështirë për mua personalisht. Futbolli më ka dhënë shumë, dhe humbja e babait tim në atë mënyrë ishte e vështirë për t’u përballuar.

Unë vazhdoj për fëmijët e mi, për vëllezërit e mi dhe për Napolin që më ka dhënë kaq shumë.”

Qendërsulmuesi u ribashkua me Antonio Conten te Napoli pas eksperiencave të tyre së bashku në Angli dhe tek Interi, duke i dhënë mundësinë të ringjallë edhe një herë karrierën e tij pas vështirësive te Chelsea.

“Isha një lojtar i vdekur para se të vija këtu. Ky sezon është i vështirë, por duhet të synojmë lart.”/GazetaExpress/