Amir Saipi në ekipin ideal të javës në Zvicër

Futboll

Gazeta Express

16/02/2026 13:49

Amir Saipi është përfshirë në ekipin ideal të javës në Zvicër.

Portieri i Kombëtares së Kosovës bëri paraqitje të jashtëzakonshme për Luganon në barazimin 1:1 ndaj Baselit, në ndeshjen e vlefshme për xhiron e 25-të të Superligës së Zvicrës, shkruan “Gazeta Express”.

Vlen të përmendet se portieri shqiptar e priti penalltinë e Xherdan Shaqirit duke e ndihmuar ekipin e tij që ta marrë një pikë nga ky duel, plus me disa pritje të tjera bravoroze.

Faqja e specializuar – Sofascore e vlerësoi Saipin me notën 7.9 duke e vendosur në portë të formacionit ideal të javës. /Gazeta Express