Skandal në Gabon: Qeveria përjashton Aubameyangun dhe pezullon Kombëtaren pas dështimit në AFCON

Sport

Gazeta Express

01/01/2026 17:38

Pierre-Emerick Aubameyang është përjashtuar nga Kombëtarja e Gabonit me vendim të qeverisë, pas eliminimit zhgënjyes në Kupën e Kombeve të Afrikës. Ministri i përkohshëm i Sporteve, Simplice-Desire Mamboula, e quajti paraqitjen e ekipit “turpëruese” dhe njoftoi shpërndarjen e stafit teknik, pezullimin e Kombëtares dhe përjashtimin e Aubameyangut dhe Bruno Ecuele Manga.

Gaboni e mbylli turneun me tri humbje në tri ndeshje, pavarësisht epërsisë 2-0 ndaj Bregut të Fildishtë në ndeshjen e fundit. Aubameyang, 36 vjeç, golashënuesi më i mirë në historinë e vendit, pritet të ketë luajtur ndeshjen e fundit me fanellën kombëtare.

Vendimi pritet të sjellë reagim edhe nga FIFA, e cila ndalon ndërhyrjet qeveritare në futbollin kombëtar. /GazetaExpress