Çka i kërkoi Totti një kamerieri në këmbim të 1 mijë eurove? E zbulon shoku i tij

Futboll

Gazeta Express

09/12/2025 9:41

Alexander Marangon, i njohur nga të gjithë si Doni, ndau dhomën e zhveshjes tek Roma me Francesco Tottin për gjashtë vjet dhe kujtimet e tij për kapitenin e “Giallorossëve” janë të jashtëzakonshme në çdo mënyrë.

“Ai ishte një fenomen, brenda dhe jashtë fushës”, thotë sot ish-portieri brazilian për “Gazzetta dello Sport”, përcjell “Gazeta Express”.

“Një vështrim i vetëm ishte i mjaftueshëm për të na ngjallur besim. Ai është një brazilian në futboll, ai ka lëvizje që i kam parë vetëm nga Ronaldinho dhe Kaká, me të cilët kam luajtur për ekipin kombëtar.”

Totti nuk ishte më pak i gjallë jashtë fushës.

Ish-portieri brazilian e kujton një rast me kapitenin dhe me një kamerier, që e bën ende të qesh.

“Dilnim bashkë dhe kjo ishte bërë në vazhdimësi. Një mbrëmje, ai i ofroi një kamerieri një mijë euro për të kaluar pranë tavolinave, për t’u hedhur në pishinë me të brendshme dhe për të bërtitur si Tarzani, duke e rrahur gjoksin. Ende më bën të qesh kur e mendoj”, kujton Doni.

Ish-futbollisti i São Paulo tani është 46 vjeç dhe e ka ndërtuar një karrierë krejtësisht të ndryshme, larg botës së futbollit: ai është një sipërmarrës i suksesshëm dhe bën shumë gjëra.

“Pas futbollit, studiova shumë dhe e hapa një sërë biznesesh”, shpjegon ai.

“Jetoj në Florida që nga viti 2017, por për punë, udhëtoj në të gjithë botën. E kam gjithashtu një qendër sportive të lidhur me shkollën e futbollit të Romës, një palestër, një agjenci menaxhimi sportistësh dhe biznese të shumta të pasurive të paluajtshme. I kemi ndërtuar mbi tre mijë shtëpi. Plus, madje hapa një park argëtimi me ish-bashkëlojtarin tim, Fabio Simplicio.”

“Të kthehem në futboll? Në jetë, kurrë mos thuaj kurrë. Ndoshta do ta bëj si investitor, kush e di.” /Gazeta Express