Albion Rrahmani vendimtar në fitoren e Spartas ndaj Sigma Olomouc

Sport

Gazeta Express

06/12/2025 20:25

Sulmuesi i Kosovës Albion Rrahmani vazhdon formën e shkëlqyer te Sparta Praha. Ai shënoi golin vendimtar në fitoren minimale 1-0 ndaj Sigma Olomouc, duke siguruar pikët e plota për skuadrën e tij.

Goli i Rrahmanit erdhi në minutat e fundit të sfidës (88’), pas një asistimi të Mercados, duke i dhënë Spartës epërsinë që nuk u ndryshua deri në fund të ndeshjes.

Me këtë gol, ai regjistron golin e dytë radhazi dhe të shtatin sezonin aktual në kampionatin çek, vetëm dy pas liderit të golashënuesve, Vasulin.

Rrahmani, i cili kishte vetëm një goditje në portë gjatë 90 minutave u shpall “Lojtari i Ndeshjes”.

Ky sukses i fundit do t’i japë edhe më shumë qetësi pas kritikave që kishte marrë për paraqitjet e tij të fundit. Në dy ndeshjet e fundit, ai ka qenë protagonist kryesor për triumfet e Spartas. /GazetaExpress