Prapaskenat e përgatitjeve të “Dardanëve” per lojën me Zvicrën, krejt çka ndodhi atë natë

Futboll

Gazeta Express

30/11/2025 17:12

Më 18 nëntor, Kosova barazoi me Zvicrën, në kuadër të xhiros së fundit të kualifikimeve për Kampionatin Botëror të vitit 2026.

Kombëtarja e Kosovës barazoi me kombëtaren helvetike në stadiumin “Fadil Vokrri”.

Ndeshja u mbyll 1-1, me Zvicrën që shkoi në Botëror si e para e grupit B me 14 pikë, teksa Kosova mbeti në 11 pikë, duke shkuar në play-off, i cili mbahet në mars. Kombëtarja dardane do të luajë me Sllovakinë në gjysmëfinale të play-offit, teksa në rast fitoreje do të luajë me fituesin e ndeshjes Turqi – Rumani.

Gjatë ndeshjes me Zvicrën, megjithatë, tifogrupi “Dardanët” zbuloi një koreografi gjigante dhe të jashtëzakonshme.

Tifozët e Kosovës shpalosën koreografinë, e cila përbëhej me tërë lojtarët e kombëtares së Kosovës dhe në qendër të saj gjendej selektori i kombëtares, Franco Foda.

Për krejt çka ndodhi atë natë – nga përgatitja e “Dardanëve” deri në shpalosjen e koreografisë – mund të mësoni në kronikën e mëposhtme, e përgatitur nga “T7”./GazetaExpress/