Tetë gola, penallti e karton të kuq, PSG e fiton spektaklin ndaj Tottenhamit

Futboll

Gazeta Express

26/11/2025 23:06

Paris Saint-Germain dhe Tottenham dhuruan njërën nga ndeshjet më spektakolare këtë sezon në Ligën e Kampionëve.

Kampioni në fuqi i kësaj gare, PSG triumfoi 5:3 ndaj anglezëve në ndeshjen e zhvilluar në “Parkun e Princave”, shkruan Gazeta Express.

Richarlison kaloi mysafirët në epërsi në minutën e 35-të të ndeshjes.

10 minuta më vonë, Vitinha barazoi shifrat, rezultat me të cilin u mbyll pjesa e parë.

Kolo Muani e riktheu epërsinë e Tottenhamit në minutën e 50-të, ndërsa ishte sërish Vitinha që barazoi rezultatin vetëm tre minuta më pas.

Fabian Ruiz realizoi për 3:2 në të 59-tën, ndërsa shtatë minuta më vonë, Pacho realizoi për 4:2.

Kolo Muani shënoi për të ngushtuar rezultatin në minutën e 72-të, por katër minuta më vonë Vitinha e kompletoi hat-trikun me gol nga penalltia.

Në minutën e tretë shtesë, Lucas Hernandez u ndëshkua direkt me karton të kuq.

Me këtë fitore, PSG shkon në vendin e dytë me 12 pikë, ndërsa Tottenham mbetet i 16-ti me tetë pikë.