Mersim Zeqiri e vazhdon serinë perfekte prej tetë fitoresh, triumfon me nokaut teknik në raundin e katërt

Sporte tjera

Gazeta Express

31/05/2025 22:05

Në një mbrëmje të mbushur me emocione në AXA/ARENA të Winterthurit, boksieri shqiptar Mersim Zeqiri e ka siguruar fitoren e tij të tetë radhazi, duke e mposhtur Omrri Bolivarin me nokaut teknik në raundin e katërt.

Pas provokimit në matjen zyrtare, Zeqiri e dëshmoi fuqinë e tij në ring, duke dominuar me performancë të shkëlqyer dhe duke e detyruar gjyqtarin të ndalë meçin.

Ky rezultat e afron atë më shumë drejt objektivit të tij për t’u renditur në Top 140 të boksit profesionist.

“Tifozët shqiptarë e meritojnë këtë fitore! Ishte një luftë e fortë, por e dija që do të triumfoja,” u shpreh Zeqiri pas ndeshjes.

Ky sukses e hap rrugën për sfidën e radhës në tetor, ku Zeqiri synon titullin WBf Intercontinental në Uster, Zvicër.

Urime kampionit për një tjetër triumf të madh!