Deklarata e Kryetarit Ziadin Sela pas votimit

Maqedoni

Gazeta Express

24/04/2024 14:34

Sot është ditë zgjedhjesh dhe normalisht testi i parë është demokracia, zgjedhje të qeta dhe të rregullta dhe kështu duket kjo ditë, zgjedhjet duken të qeta, të rregullta. Shfrytëzova të drejtën time si qytetarë i këtij vëndi që të votoj dhe mendoj që gjithçka do të shkojë ashtu siç duhet.

Pritshmëritë tona janë që do të fitojë kandidati të cilin ne e përkrahim dhe më e rëndësishme sesa kjo fitore është fitorja e konceptit dhe idesë që paraqet ky koalicion. Duhet të jetë fitorja e idesë së zgjedhjes së presidentit në Parlament, ashtu siç ka edhe modelin, Maqedonia është demokraci parlamentare. Na pret një betejë mbrapa që të arrijmë që presidenti të zgjidhet në Parlament me votat e deputetëve, me parimin e Badenterit dhe me shumicën e dy të tretave.