Driton Kuka i do edhe dy medalje olimpike për ta kompletuar pesëshen e madhe

Sporte tjera

Gazeta Express

27/04/2023 10:46

Driton Kuka është pa diskutim trajneri më i mirë sportiv që e ka pasur ndonjëherë Kosova.

Trajneri i suksesshëm i ka fituar tri medalje të arta olimpike deri tash me garueset e tij, por nuk është ngopur ende.

Majlinda Kelmendi, Nora Gjakova dhe Distria Krasniqi ia zbardhën fytyrën Kosovës me medalje të arta nën drejtimin dhe menaxhimin e Kukës, shkruan “Gazeta Express”.

E tash, pejani ka zbuluar se në mendjen e tij janë të paktën edhe dy medalje olimpike, për ta kompletuar pesëshen e madhe, aq hallka sa i kanë edhe Lojërat Olimpike.

Kuka e ka publikuar një fotografi nga Gjermania, me ç’rast e ka ngritur dorën dhe i tregon pesë gishta, aq medalje olimpike sa do të donte t’i ketë në karrierën e tij.

Ai i ka ritheksuar edhe medaljet tjera që i kanë fituar garuesit e tij në gara të rëndësishme të xhudos. /Gazeta Express/