Drita me super rikthim e fiton Kupën e Kosovës në volejboll

Sporte tjera

Gazeta Express

19/04/2023 23:46

KV Drita ka arritur ta fitojë Kupën e Kosovës në volejboll.

Vashat gjilanase triumfuan 3:2 ndaj ekipit ferizajas, Fer Volley në një finale spektakolare në palestrën “1 Tetori” në Prishtinë.

Ferizajaset ishin në epërsi 2:0 në sete dhe pranë fitores, por Drita bëri një rikthim senzacional, shkruan Gazeta Express.

Ato arritën të barazonin në 2:2 me sete për ta dërguar ndeshjen në setin final, apo siç njihet në zhargonin e volejbollit, “tie break”.

Aty, Drita tregoi fytyrën e kampiones duke triumfuar dhe duke u kurorëzuar me trofeun e Kupës së Kosovës.