Para ndeshjes me Danimarkën, Hajrizi: Atmosfera është shumë e mirë, do të japim maksimumin

Sport

Gazeta Express

25/06/2022 8:38

Janë duke vazhduar përgatitjet në kampin e meshkujve, të cilët janë duke u përgatitur për ndeshjen me Danimarkën.

Për atmosferën brenda Përfaqësueses ka folur basketbollisti i njohur Drilon Hajrizi.

“Atmosfera është shumë e mirë, secili po mundohet që ta jep maksimumin. Besoj që me punë dhe përkushtim ta mbërrijmë formën që e kemi lënë në fund të kampionatit dhe ta tregojmë më të mirën për Kosovën”, ka thënë Hajrizi për faqen zyrtare të FBK-së.

Hajrizi ka folur edhe për mundësitë se a do të kualifikohet Kosova tutje:

“Gjasat nuk janë shumë të mëdha, por ne do të mundohemi që ta japim maksimumin. Do të mundohemi ta japim atë që kemi brenda skuadrës, ta fitojmë ndeshjen nëse kemi mundësi dhe matematikat tjera t’i lëmë në duar të fatit”.

Ndeshja Danimarkë-Kosovë do të zhvillohet më 30 qershor. /Gazeta Express/