Një statistikë shqetësuese për Barcelonën, e favorizon Atleticon në ndeshjen e sontme

Futboll

Gazeta Express

14/04/2026 18:00

Ylli i Barcelonës, Lamine Yamali, dhe trajneri Hansi Flicku shprehën bindje të plotë se një përmbysje ndaj Atletico Madridit në çerekfinalet e Ligës së Kampionëve është më se e mundur, ndërsa dy skuadrat përballen në “Metropolitano” sonte, me fillim nga ora 21:00.

Megjithatë, statistikat e këtij sezoni tregojnë se detyra është edhe më e vështirë sesa duket në shikim të parë.

Dy ekipet janë përballur pesë herë këtë sezon: Barcelona ka fituar tri ndeshje, ndërsa Atletico dy.

Katalanasit fituan të dy përballjet në La Liga, por madrilenët luajtën me skuadrën e dytë në njërën prej tyre, ndërsa dolën fitues në dy ndeshjet e Kupës së Mbretit.

Në total, të dyja skuadrat kanë shënuar nga tetë gola.

Statistikat favorizojnë disi Atleticon. Trajneri Diego Simeone ka deklaruar se skuadra e tij do të luajë në sulm, ndërsa kapiteni Koke Resurrección ka kërkuar personalitet me topin për të goditur Barcelonën pas presionit të saj.

Sipas raportimeve, Barcelona ka një seri prej 14 ndeshjesh pa mbajtur portën e paprekur në Evropë.

Që nga ardhja e Flickut, asnjë skuadër në Champions nuk ka pësuar më shumë gola se Barcelona (43).

Këtë sezon, katalanasit kanë pësuar gol në çdo ndeshje të Championsit, duke sugjeruar se mund t’u duhen të paktën katër gola për t’u kualifikuar.

Në aspektin taktik, mbrojtësi Jules Koundé është përdorur pothuajse gjithmonë si mbrojtës i djathtë që nga ardhja e Flickut, por në stërvitjen e fundit para ndeshjes është provuar si qendërmbrojtës.

Në atë rast, Ronald Araújo do të kalonte në krahun e djathtë, ndërsa Eric García do të aktivizohej në mesfushë.

Do të ishte një surprizë nëse Koundé zhvendoset, por mungesa e Pau Cubarsít për shkak pezullimi dhe paqartësia për partnerin e Pedrit në mesfushë mund të detyrojnë ndryshime.

Problemet mbrojtëse të Barcelonës iu përmendën Flick para ndeshjes, sidomos duke kujtuar se Interi arriti të kualifikohej ndaj tyre sezonin e kaluar edhe pse Barcelona shënoi gjashtë gola.

Flick u shpreh i qetë, duke theksuar se gjithçka do të varet nga presingu i organizuar i skuadrës dhe kompaktësia në fushë./GazetaExpress/