“Nga një djalosh në GOAT”, Barcelona ka një tjetër dedikim për Messin

Futboll

Gazeta Express

06/08/2021 9:31

Ndërkohë që të gjithë prisnin rinovimin, Leo Messi dhe Barcelona nuk ranë dakord për zgjatjen e bashkëpunimit mes tyre.

Ylli argjentinas është larguar zyrtarisht nga ekipi i zemrës, aty ku ka mahnitur botën me futbollin dhe magjitë e tij.

34-vjeçari është lojtar i lirë, ai mund të zgjedhë pa probleme skuadrën e radhës, që ka mundësi të jetë PSG.

Barcelona ka postuar në faqen zyrtare një tjetër video dedikuar kapitenit legjendar.

Imazhet tregojnë rritjen e kampionit nga Rosario me fanellën e Barçës, ekip me të cilin debutoi në vitin 2005. “Nga një djalosh në më të madhin e historisë“, shkruan klubi katalanas mbi video.

From boy to goat. pic.twitter.com/G0JPpPi5WC

— FC Barcelona (@FCBarcelona) August 5, 2021