Distria Krasniqi kalon në rrethin e tretë në Evropian

Sporte tjera

Gazeta Express

16/04/2021 12:40

Distria Krasniqi ka kaluar në rrethin e tretë në Kampionatin Evropian të xhudos, i cili po mbahet në Lisbonë të Portugalisë, shkruan Gazeta Express.

Xhudistja pejane e mposhti në rrethin e dytë italianen Francesca Giorda, e cila i bëri tri gabime, ndërkohë që Distria fitoi me Ippon.

Krasniqi e kishte kaluar rrethin e parë pa luftë, ndërsa tash do ta kërkojë çerekfinalen përmes sfidës ndaj fitueses së duelit tjetër, Abelenda Martinez – Shira Rishony.

Kosova po përfaqësohet në Evropian me gjashtë garuese.

Krahas Distria Krasniqit, medalje në këtë garë ka potencial të fitojë edhe Nora Gjakova, e cila po garon po ashtu sot. /Gazeta Express/