”Thaçi nuk pranonte ta shpallë pavarësinë pa qenë ai në pushtet”

Lajme

Gazeta Express

25/01/2021 21:26

Ish shefi i Grupit Parlamentar të LDK-së, Arben Gashi ka folur rreth bashkëpunimit të partisë se tij dhe PDK-së gjatë kohës sa kishin qenë bashkë në qeveri.

Gashi në Pressing të T7 ka kujtuar fazën e parë të bashkëqeverisjes me PDK-në duke theksuar se Thaçi në atë kohë nuk pranonte që pavarësia të shpallej pa prezencën e tij në pushtet.

“Nëse flasim për bashkëpunimin e LDK-së me një parti specifike në këtë rast me PDK-në, është e vërtetë që ne kemi qeverisur bashkë nga viti 2008, fundi i 2007 deri në vitin 2010 dhe prej vitit 2014 deri në 2017. Duhet të kemi parasysh disa elemente. Në fazën e parë të bashkëqeverisjes me PDK-në ishte kryeneçsija që të bashkëqeversim apo kryeneçsija që ne të rrimë anash dhe ta shpallë kush të dojë pavarësinë. Ju e dini se çfarë deklaratash ka pasë nga PDK-ja the zotri Thaci në atë kohë që nuk pranonte që pavarsia të shpallej pa prezencën e tij në pushtet”, tha Gashi./Express/