Probleme me furnizimin me vaksina, Italia do të rishikojë programin e vaksinimit

Lajme

Gazeta Express

23/01/2021 18:17

Zyrtarët e lartë të shëndetësisë në Itali bënë me dije se do të rishikojnë programin e tyre të vaksinimit nëse problemet e ditëve të fundit me furnizimin me doza vaksinash vijojnë.

Vendi fqinj aktualisht ka reduktuar ndjeshëm vaksinimet ditore për shkak të vonesave të furnizimit nga kompania Pfizer.

Tashmë që dhe kompania tjetër AstraZeneca ka paralajmëruar shkurtime të furnizimit, Italia po mendon seriozisht të ndryshojë planin e vaksinimit në fund të këtij muaji.

Roma zyrtare ka kërcënuar se do të padisë kompaninë Pfizer për këtë problem, e cila javën e kaluar njoftoi uljen e dozave që do të shpërndajë për shkak të një ristrukturimi për të rritur kapacitetet.