Gareth Bale u largua nga Real Madridi me shumë gola dhe shumë trofe në sirtar, por me shumë më pak paraqitje seç do të dëshironte në fanellën e bardhë.
Anësori uellsian i zhvilloi 251 paraqitje për Real Madridin, duke i shënuar 105 gola dhe duke i fituar 16 trofe, gjatë qëndrimit të tij shtatëvjeçar në Bernabeu, transmeton Gazeta Express.
Megjithatë, lëndimet luajtën rol kyc në karrierën e tij në Spanjë.
Që prej se iu bashkua Realit nga Tottenhami më 2013, Bale u paraqit në vetëm 63.7 për qind të ndeshjeve të Real Madridit, duke munguar në 98 sosh shkaku i lëndimeve.
Sezoni 2014/15 ishte më i miri për të, pasi Bale i bëri 48 paraqitje, apo 81.36% të të gjitha ndeshjeve të Real Madridit.
Ai mungoi në vetëm nëntë ndeshje shkaku i lëndimit.
Por sezoni vijues, 2015/16 ishte ankth i vërtetë për 31-vjeçarin, pasi u paraqit në vetëm 59.62% të ndeshjeve, shkaku i një problemi serioz me pulpën e këmbës.
Ai u paraqit në 31 ndeshjeve, ndërsa mungoi në 17 të tjera.
Këtë sezon, Bale do ta veshë sërish fanellën e Tottenhamit. /Gazeta Express/
Thellë nga natyra e paprekur, në zemër të Bjeshkëve të Istogut, nga mali madhështor i Moknës, shtrihet një perlë...