4 skuadra duan finalen e madhe, zbulohet orari i ndeshjeve gjysmëfinale në Kupën e Kosovës

Sport

Gazeta Express

13/02/2023 17:35

Nesër (e martë) zhvillohen dy ndeshjet gjysmëfinale në kuadër të Kupës së Kosovës te femrat.

Bashkimi pret Trepçën nga ora 17:00, kurse Prishtina është nikoqire e Penzës nga ora 19:00.

Prizrenaset synojnë të mbrojnë trofeun e fituar vitin e kaluar, ndërsa mitrovicaset do të tentojnë befasi dhe të kualifikohen në finalen e madhe.

Prishtina-Penza është përballje më e barabartë dhe më interesante, ku të dy skuadrat duan finalen dhe trofeun e çmuar në basketbollin e Kosovës.

Dy skuadrat fituese përballen mes veti në finale, të dielën në Rahovec në kuadër të Final 8-Kupa e Kosovës.

Vitin e kaluar fitues i Kupës së Kosovës ishte shpallur Bashkimi në Final 8 e organizuar në Pejë.

Orari

E martë

17:00 Bashkimi – Trepça

19:00 Prishtina – Penza

/Gazeta Express/