Man Utd fiton ndaj ekipit të fundit në tabelë

Futboll

Gazeta Express

24/04/2024 23:33

Manchester United është rikthyer te fitoret në Premierligë.

“Djajtë e Kuq” triumfuan 4:2 në shtëpi ndaj ekipit të fundit në tabelë, Sheffield United, shkruan Gazeta Express.

Por, fillimisht ishin mysafirët që kaluan në epërsi në minutën e 35-të kur shënoi Bogle.

Maguire barazoi shifrat në minutën e 42-të të takimit.

E në të 50-tën Sheffield United arriti të kalonte në epërsi sërish nëpërmjet Brerton Diaz.

11 minuta më pas, Bruno Fernandes shënoi nga penalltia për 2:2, para se të përmbyste rezultatin në minutën e 81-të.

E katër minuta më pas, Hojlund shënoi për 4:2.

Me këtë fitore, Manchester United shkon në kuotën e 53 pikëve në vendin e gjashtë.

Në anën tjetër, Sheffield United mbetet i fundit me 16 pikë dhe pa gjasa për mbijetesë.