Zyrtare: McGregor rikthehet në kafaz në janar - Gazeta Express

Zyrtare: McGregor rikthehet në kafaz në janar

Gazeta Express

24/11/2020 8:59

Conor McGregor do të rikthehet në kafazin e UFC-së më 23 janar kundër Dustin Poirier, ka njoftuar presidenti i UFC-së, Dana White.

Edhe pse vendi i këtij meçi nuk dihet ende, White ka lënë të kuptohet se ka shumë mundësi të mbahet në Abu Dhabi, transmeton Gazeta Express.

Ky njoftim e bën zyrtar rikthimin e McGregorit në kafazin e UFC-së, edhe pse Poirier e kishte konfirmuar meçin kundër irlandezit ditë më parë.

Edhe vetë McGregor kishte thënë për ESPN se kishte nënshkruar marrëveshje për të luftuar kundër Poirier më 23 janar.

Irlandezi e ka mposhtur Poirierin në takimin e tyre të parë më 2014.

McGregor do të rikthehet në kafaz gati një vit nga lufta e fundit. Më 18 janar 2020 ai e kishte mposhtur Donald Cerronen dhe e kishte njoftuar pensionimin.

Në qershor, McGregor e njoftoi pensionimin nga UFC-ja për herë të tretë në katër vjetët e fundit, por pas meçit me Poirier ai mund ta organizojë një meç boksi me Manny Pacquio. /Gazeta Express/