Drejtori i të ashtuquajturës Zyra për Kosovë në qeverinë e Serbisë, Petar Petkoviq, ka njoftuar se do të financojnë ndërtimin e një sheshi në Hoqë të Madhe të Rahovecit.
Petkoviq ka thënë se e kishte kërkesë nga banorët lokalë kur e ka vizituar fshatin njofton zyra e tij, transmeton Gazeta Express.
“Më është prezantuar projekt-propozimi dhe zgjidhja konceptuale dhe ne si Zyrë për Kosovë, me kënaqësi do të financojmë ndërtimin e sheshit të Hoqës, i cili do të fillojë për një kohë shumë të shkurtër”, tha Petkoviq.
Ai tha se Hoça e Madhe është një nga vendbanimet më të vjetra serbe në Kosovë dhe në shekullin e 15-të përmendet se ajo kishte një shesh qendror.
“Më vjen mirë që ky rajon i famshëm i verës, i cili çdo vit vizitohet nga një numër gjithnjë e më i madh turistësh, po zhvillon potencialin e tij dhe ne si Zyrë do të ndihmojmë në këtë rrugë dhe besoj se sheshi i qytetit do të jetë një tërheqje e re, por ne do të vazhdojmë të ndihmojmë përmes llojeve të tjera të mbështetjes”, përfundoi Petkoviq.
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...