Zjarri në afërsi të fshatit Nangë në Kukës, rrezikohet përhapja nga era e fortë

Shqiperi

Gazeta Express

30/08/2025 13:18

Këtë mesditë ka rënë zjarr në afërsi të fshatit Nangë, duke përfshirë një sipërfaqe me barishte dhe shkurre.

Zjarri ndodhet gjithashtu pranë aeroportit të Kukësit, por deri më tani nuk paraqet rrezik të drejtpërdrejtë për të.

Përhapja e flakëve po favorizohet nga erërat e forta që po fryjnë në zonë, duke e bërë më të vështirë përballimin e situatës.

Në terren janë angazhuar zjarrfikësit, banorët vendas si dhe punonjësit e njësisë administrative, të cilët po punojnë për të vënë flakët nën kontroll.

Aktualisht, zjarri ende nuk është izoluar dhe situata mbetet e paqëndrueshme.