Zjarret në Uashington detyrojnë 60 mijë persona të evakuohen

Lajme

Gazeta Express

03/08/2026 8:35

Zjarret masive në Uashington kanë detyruar rreth 60 mijë banorë të evakuohen nga zona e Spokane, ndërsa të paktën 600 shtëpi, biznese dhe ndërtesa të tjera janë shkatërruar.

Sipas autoriteteve, flakët kanë përfshirë rreth 1.000 kilometra katrorë në të gjithë shtetin, ndërsa disa prej vatrave të zjarrit ende nuk janë vënë nën kontroll.

Deri më tani nuk janë raportuar viktima apo persona të zhdukur.

Zjarrfikësit vijojnë përpjekjet për shuarjen e flakëve, ndërsa moti i thatë pritet ta vështirësojë edhe më tej situatën. Hetimet për shkakun e zjarreve janë në vazhdim.