Tottenhami ka konfirmuar se një person brenda skuadrës së vet ka dalë pozitiv në testin për koronavirus, pas rezultateve të rundit të pestë të testimit në skuadrat e Premierligës.
Ky ishte rasti i vetëm nga të gjitha testet ndaj të gjitha klubeve të Premierligës në rundin e pestë, transmeton Gazeta Express.
Personi i infektuar do të vetizolohet për shtatë ditë.
“Për shkak të konfidencialitetit mjekësor, emri i individit nuk do të zbulohet”, shkruhet në njoftimin e Tottenhamit.
Ky ishte rezultati i vetëm pozitiv nga 1.197 lojtarë dhe anëtarë stafi sa u testuan në rundin e fundit.
Deri më tani janë konfirmuar 13 raste pozitive me koronavirus në Premierligë, nga 5.079 teste të kryera në pestë runde të ndara. /Gazeta Express/
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...