Ylli e mëson emrin e kundërshtarit në Champions League

Basketboll

Gazeta Express

07/07/2022 11:59

Golden Eagle Ylli do të debutojë këtë sezon në garat ndërkombëtare.

Kampioni i Kosovës do të marrë pjesë në Champions League, ku synon të jetë i suksesshëm.

Dhe, therandasit e kanë mësuar emrin e kundërshtarit të parë në këtë garë prestigjioze, shkruan “Gazeta Express”.

Ekipi nga Suhareka në fakt do të përballet me ekipin portugez, SL Benfica.

Ylli ishte pjesë e vazos së gjashtë në shortin e hedhur sot në Gjenevë të Zvicrës, i vlefshëm për fazën e parë kualifikuese të Basketball Champions League. /Gazeta Express/