Ylli dhe Peja tallen me konkurrentët në rrjetet sociale

Basketboll

Gazeta Express

05/05/2021 15:37

Golden Eagle Ylli dhe Peja e siguruan pjesëmarrjen në finale të “play-offit” në FIVE STAR Superligën e basketbollit.

Këto dy skuadra në gjysmëfinale i eliminuan Rahovecin respektivisht Ponte Prizrenin, shkruan Gazeta Express.

Dhe, tashmë kanë nisur talljet në rrjetet sociale nga ana e finalistëve karshi ekipeve të tjera, mbi të gjitha kundërshtarëve të gjysmëfinales.

Golden Eagle Ylli përmes faqes së saj në Facebook e ka bërë një postim, ku e përmend faktin se në finale kanë shkuar dy ekipe me fanellat verdh e zi.

Ndërsa, KB Peja përmes faqes së saj në Facebook e vazhdon talljen, duke i “ngacmuar” gjysmëfinalistët Rahoveci dhe Ponte Prizreni.

Për më tepër mund t’i shihni postimet e dy finalistëve, të cilët në parket pas disa ditësh do të jenë kundërshtarë. /Gazeta Express/