Vesna Janevska: Po diskutohen ndryshime ligjore për dënimin e prindërve të fëmijëve të dhunshëm

Maqedoni

Gazeta Express

13/05/2026 13:44

Pas rritjes së rasteve të dhunës midis bashkëmoshatarëve në shkolla, Ministrja e Arsimit dhe Shkencës Vesna Janevska njoftoi sot se po iniciojë ndryshime në Ligjin e Arsimit që do të lejonin ndëshkimin e prindërve, fëmijët e të cilëve kryejnë dhunë në shkollë.

“Aktualisht po bisedojmë me deputetët për të formuluar atë ndryshim të ligjit”, tha Janevska.

Ajo sqaroi se agresiviteti i fëmijëve nuk buron nga shkolla, por nga shtëpia, se sjellja e thikave dhe objekteve të tjera të rrezikshme në shkollë vjen gjithashtu nga shtëpia, jo nga institucionet arsimore, prandaj u bëri thirrje prindërve të jenë të përgjegjshëm dhe vigjilentë.