Vdes këngëtarja Shahindere Bërlajolli-Stafaj - Gazeta Express

Vdes këngëtarja Shahindere Bërlajolli-Stafaj

Lajme

Gazeta Express

03/05/2020 9:29

Ka vdekur këngëtarja e njohur kosovare Shahindere Bërlajolli Stafai.

Ajo ka qenë këngëtare e njohur. Rrjedh prej një familje vendase të qytetit të Pejës, familje kjo e njohur për kontribut të vlerave të profileve të ndryshme brenda familjes.

Që nga viti 1959, në moshën 13 vjeçe, Shahinderja bëhet solistja e parë më e reja profesioniste në muzikën artistike popullore.

Hitet e mëdha të Shahinderes sot përpunohen nga këngëtarë të ndryshme të estradës shqiptare. U martua me kompozitorin e njohur Enver Stafai në Gostivar, me këngët e së cilit triumfoi 5 vite radhazi në festivalin e vetëm të asaj kohe Akordet e Kosovës.

Ky çift bashkëshortor lanë gjurmë të pashlyera në botën artistike muzikore kombëtare. Ky çift artistik solli në jetë tre djem, Albanin, dhe binjakët Arditin dhe Astritin (njëri këngëtar e tjetri solist) që sot e kësaj dite vazhdojnë rrugëtimin e prindërve.

Foto: Ardit dhe Astrit Stafai

Repertori i Shahindere Bërlajollit numëron 280 këngë, shumica e të cilave janë të regjistruara në Radio Prishtinë dhe në vende të tjera regjistruese.

Në Qershor 1970, Shahindere Bërlajolli merr pjesë në “Akordet E Kosovës 1970” me këngën “Vaji I Vashës”.

Ngushëllime familjes dhe komunitetit artistik.