U kthye nga Siria, vjehrri i Floreta Rashas: Vetëm një nga tre fëmijët është i djalit tim, të tjerëve t’iu gjejë babain

Gazeta Express

27/10/2020 19:19

Pasi dolën nga tmerri i luftës dhe bombave në Siri, Floresha Rasha me tre fëmijët shkelën në tokën shqiptare dhe janë duke u bërë kontrollet mjeksore nga autoritetet shqiptare.

Mesa duket Floresha Rasha nuk është pritur krahëhapur nga vjerri i saj, i cili e akuzon si tradhëtare dhe nuk i njeh dy fëmijët e saj si nipërit e tij.

Shaban Rasha thotë se djali i tij, Diamanti, është vrárë në Siri dhe se mbas vdekjes së tij Floresha është martuar përsëri. Shaban Rasha pret vetëm një prej fëmijëve, Amarin, i cili sipas tij, vetëm ai është i Diamantit.

Rasha thotë për Faxnews se me nipin e tij nuk ka folur prej shumë vitesh, pasi vetë Floresha nuk e lejonte.

Ai u shpreh:

Unë jetoj vetëm, djali i madh është vrárë në Siri, vajza e djalit të vogël me gjithë djalin, por këto janë vrárë në periudhën që luftonin me Basha Al Asad, jo me këta térroristët. Prandaj nuk ka asnjë lloj procedure. Ardhja e tyre mua nuk më intereson fare vetëm e djalit, e djalit të djalit, nusja ka shkëputur kurorë dhe ka lidhur kurorë me dikë tjetër dhe te unë i është mbyllur dera, po ata nuk do vijnë këtu do shkojnë në kapmin e rehabilitimit, që kur ka vdékur djali që në 26 dhjetor 2016. Dy vajzat (Emel dhe Hatixhe) nuk janë të djalit, Diamantit, Amari është i Diamantit. Ajo le të gjejë burrin dhe t’u jap mbiemrin. Më kanë marrë në telefon, prej 7 vjetësh nuk kam pasur asnjë kontakt. Nuk e ka lejuar ajo që të më marrë nipi, kam qenë një vjehërr i sjellshëm, me kulturë, madje të kishit njohur gruan time, ajo iku dhe na tradhtoi si të ishim ca injorant jo si të ishim të dy me shkollë, ajo farmaciste unë mësues. I thashë m’i lë mua fëmijët dhe nuk donte, se kujtonte se ty është dasmë, fushë me lule të vinin unazat në vesh.