U kap me 19.5 kg drogë, arrestohet zvicerani në aeroportin e Romës, kishte udhëtuar nga Bangkoku

Lajme

Gazeta Express

26/05/2026 14:00

Në aeroportin ndërkombëtar Aeroporto di Roma Fiumicino në Romë, autoritetet italiane kanë arrestuar një shtetas zviceran pasi në bagazhin e tij u gjetën rreth 19.5 kilogramë marihuanë,.

Sipas raportimeve, i dyshuari kishte udhëtuar nga qyteti Bangkok dhe ishte ndaluar gjatë një kontrolli rutinë të zhvilluar nga njësitë e Guardia di Finanza, të cilat po monitoronin trafikun ndërkombëtar të drogës.

Droga ishte e paketuar me vakum dhe, sipas mediave italiane, disa paketa ishin të pajisura edhe me pajisje GPS për gjurmim, duke ngritur dyshime për një rrjet të organizuar të trafikut të narkotikëve.

Autoritetet italiane kanë bërë të ditur se ky nuk është një rast i izoluar, pasi në periudhën 2024–2026 janë regjistruar dhjetëra arrestime dhe janë sekuestruar mbi 830 kilogramë marihuanë në operacione të ngjashme në aeroporte dhe pika kufitare.

Hetimet për rastin e shtetasit zviceran po vazhdojnë për të zbuluar destinacionin final të drogës dhe personat e tjerë të përfshirë në këtë aktivitet të paligjshëm.